Presidentja Osmani ia dorëzon Kadaresë dekretin e shtetësisë së Kosovës

Në kuadër të vizitës shtetërore në Shqipëri, presidentja e Kosovës, Vjosa Osmani, ka vizituar edhe shkrimtarin shqiptar me famë botërore, Ismail Kadare.

Me këtë rast, presidentja Osmani i ka dorëzuar Kadaresë dekretin e shtetësisë së Kosovës, raporton Albinfo.ch.

Për këtë presidentja Osmani ka shkruar në Facebook, ku e ka vlerësuar lart Kadarenë si Nderi i Kombit.

“Sot shkrimtarit tonë të madh Ismail Kadare, Nderit të Kombit tonë, ia dorëzova Dekretin e nënshtetësisë së Republikës së Kosovës. Mirë se vini, Ismail Kadare, në familjen e madhe të Kosovës! Rrëfimet tuaja le të vazhdojnë ta pushtojnë botën, duke na kujtuar fuqinë e letërsisë për t`i formësuar perspektivat, sfiduar normat dhe nxitur dialogun!”, ka shkruar Osmani./Albinfo.ch