Presidentja Osmani, vizitë pune në Portugali, do të pritet nga presidenti dhe kryeministri

Vjosa Osmani

Presidentja e Kosovës, Vjosa Osmani, ka udhëtuar sot për në Portugali, ku do ta realizojë një vizitë pune dhe do të takohet me homologun e saj portugez, Marcelo Rebelo de Sousa dhe me kryeministrin, António Costa.

Me ftesë të Web Summit, Presidentja Osmani, e shoqëruar nga delegacioni i bizneseve kosovare në fushën e ICT-së, do të jetë folëse në këtë samit, i cili konsiderohet ngjarje kryesore e teknologjisë në botë, transmeton Albinfo.ch.

Në kuadër të vizitës në Portugali, presidentja Osmani dhe kryetari i Lisbonës, Carlo Moedas, do ta përurojnë shtatoren e Nënë Terezës, e vendosur në qendër të kryeqytetit të Portugalisë./Albinfo.ch