Presidentja Vjosa Osmani ngushëllon familjet e tre bashkatdhetarëve të humbur në Austri

Presidentja Osmani shpreh ngushëllime për humbjen e tre kosovarëve në Vjenë

Presidentja e Kosovës, Vjosa Osmani, ka shprehur dhimbjen e thellë për humbjen tragjike të jetëve të tre bashkatdhetarëve tanë në Vjenë, Austri. Viktimat janë identifikuar si P.B, A.M dhe I.Z, të cilët humbën jetën si pasojë e një aksidenti të rëndë në një kantier ndërtimi, transmeton albinfo.ch.

“Me dhimbje të thellë morëm lajmin për këtë humbje tragjike. Kjo ngjarje e rëndë, që ua ndërpreu jetën teksa punonin për të siguruar jetesën, ka lënë dhimbje jo vetëm tek familjet e tyre, por tek gjithë ne,” ka thënë Osmani.

Presidentja ka shprehur ngushëllime të sinqerta për familjet, miqtë dhe të afërmit e viktimave, duke ndarë dhimbjen dhe lutur që ata të gjejnë forcë për të përballuar këtë humbje të madhe.

“I përhershëm qoftë kujtimi për P.B, A.M dhe I.Z”, përfundon njoftimi i Presidentes./Albinfo.ch

---