Prindërit që paguajnë për kujdestarë të fëmijëve të tyre, lirohen deri 70% nga tatimi!

Ky ndryshim po bëhet për të motivuar nënat që të punojnë. Nevoja për punën e tyre është rritur pas caktimit të kuotave të zvogëluara të punëtorëve nga jashtë, si pasojë e iniciativës së votuar nga poipulli "kundër migracionit masiv"

Prindërit, për fëmijët e të cilëve kujdesen njerëz jashtë familjes, në të ardhmen do të mund të zbresin shumë më të madhe se tash nga tatimet që paguajnë. Këshilli Federal propozon që lirimi nga tatimet e drejtpërdrejta federale për këta prindër, nga 10 mijë franga sa është tash të caktohet në 25 mijë franga.

Veç kësaj, kantonet do të detyrohen që në këto raste të lejojnë një lirim nga tatimet në shumën prej 10 mijë frangash, transmeton albinfo.ch. Sipas komunikatës së lëshuar nga Këshilli Federal, federata, kantonet dhe komunat si rezultat i këtyre masave do të marrin deri 35 milionë franga në vit më pak në emër të tatimeve.

Mirëpo, shikuar në plan afatgjatë, kontributet do të rifinancoheshin pasi që, siç pret qeveria, në një rast të tillë më shumë prindër do të përcaktoheshin për të punuar.

Ky ndryshim po bëhet për të motivuar nënat që të punojnë. Nevoja për punën e tyre është rritur pas caktimit të kuotave të zvogëluara të punëtorëve nga jashtë, si pasojë e iniciativës së votuar nga poipulli “kundër migracionit masiv”.

Tashti i mbetet Ministrisë së Financave që të ofrojë një propozim konkret.