Prishtina kuqezi

Kryetari i Prishtinës, Shpend Ahmeti, është përkujdesur që edhe këtë vit të stolisë qytetin me flamuj kuqezi, duke bërë që Prishtina të ndjejë më shumë këtë festë shumë të rëndësishme për shqiptarët

Kryeqyteti i Kosovës, Prishtina edhe një herë do të frymojë kuqezi për festën e 28 Nëntorit, shkruan albinfo.ch.

Në Sheshin “Zahir Pajaziti” në Prishtinë është hapur panairi “Blej Shqip”, ku do të prezantohen 100 biznese nga të gjitha trevat shqiptare.

Panairi organizohet nga Komuna e Prishtinës dhe Ministria e Zhvillimit Ekonomik, Turizmit, Tregtisë dhe Sipërmarrjes së Republikës së Shqipërisë dhe gjatë tre ditëve në vijim në të do të ekspozojnë mallra e tyre mbi 100 biznese nga të gjitha trevat shqiptare.

Përveç kësaj do të ketë edhe shumë organizime tjera për shkak të festës së Pavarësisë së Shqipërisë, derisa në të gjitha shkollat janë mbajtur programe artistike nga fëmijët. Gjithashtu parashihen të organizohen edhe koncerte e shumë aktivitete tjera.

Kryetari i Prishtinës, Shpend Ahmeti, është përkujdesur që edhe këtë vit të stolisë qytetin me flamuj kuqezi, duke bërë që Prishtina të ndjejë më shumë këtë festë shumë të rëndësishme për shqiptarët.