Probleme zvicerane, e japin falas gjelin, pasi ua prish gjumin

Ata e kanë vënë një shpallje, duke thënë se e japin gjelin falas, derisa fqinjët janë ankuar edhe në gjykatë

Pasi nuk po arrijnë të gjejnë zgjidhje dhe kanë shumë ankesa, një çift në Säriswil të Zvicrës, ka bërë një shpallje të pazakonshme, përcjell albinfo.ch.

Pasi ua prish gjumin dhe ka një zë shumë të lartë, çifti e ka bërë një shpallje të pazakonshme, duke e dhënë gjelin falas, shkruan “20min”.

Zëri i tij është cilësuar si shumë i lartë dhe po i pengon edhe fqinjët, që nuk dëshirojnë të zgjohen në pesë të mëngjesit me zërin e tij.

Madje, fqinjët, rastin e kanë paraqitur edhe në gjykatë, duke thënë se u pengon.

Dy gjela të tjerë ishin vrarë, kurse ky kishte mbetur për t’u përkujdesur për pulat, përcjell tutje albinfo.ch.

Shpallja që dhjetë ditë ndodhet në fshatin zviceran, megjithatë, askush deri më tani nuk është lajmëruar, edhe pse pronarët janë të bindur se dikush do të vjen.

---