Problemi me ushqimin e detyruar të grevistëve të urisë

Një mjek i Spitalit Universitar të Gjenevës është ankuar në Gjykatën Federale pasi që një gjyqtar e kishte kërcënuar me ndjekje penale nëse nuk do të ushqente me detyrim një të burgosur në grevë urie

Rasti i vdekjes së një të burgosuri në kantonin Zug si pasojë e grevës së urisë ka aktualizuar edhe njëherë dilemën nëse mjekët duhet të detyrohen nga drejtësia që t`u japin ushqim artificial personave në grevë urie ose jo. Kjo çështje vazhdon të mbetet e pa përgjigje.

Një mjek i Spitalit Universitar të Gjenevës është ankuar në Gjykatën Federale pasi që një gjyqtar në Kantonin e Valisit e kishte kërcënuar me ndjekje penale nëse nuk do të ushqente me detyrim një të burgosur në grevë urie. Fjala është për kultivuesin e kanabisit, Bernard Rappaz, i cili ishte hedhur në grevë urie.

Në bazë të vendimit të gjykatës në fjalë, i burgosuri në fjalë ishte detyruar të ndërpriste grevën e urisë në vitin 2010. Ndërsa Gjykata Federale është thirrur të japë qëndrimin e saj pasi që ekziston rreziku që problematika të mbetet e pazgjidhur.

Instanca në e lartë e gjyqësisë së Zvicrës shpreh besimin se në rast të ndonjë greve të re të urisë në burgje, për problemin nëse mjeku detyrohet të ushqejë me detyrim të burgosurit,  mund të ketë një përgjigje juridike e bërë me kohë.