Prokuroria Speciale ndryshon aktakuzën për Thaçin

Sot prokuroria Speciale ka ndryshuar aktakuzën për ish-Presidentin e Kosovës, Hashim Thaçi dhe për krerët e tjerë të UÇK-së, të cilët qëndrojnë në paraburgim, përcjell albinfo.ch.

Referuar mediave shqiptare, Prokuroria Speciale është tërhequr nga akuza për krimet e pretenduara në Ferizaj, duke argumentuar se nuk ka prova.

“Nuk ka prova të mjaftueshme për të vërtetuar se në Ferizaj janë kryer krime lufte”, thuhet nga Prokuroria Speciale.

Hashim Thaçi dhe ish-udhëheqësit e UÇK-së mbahen në paraburgimin e Hagës, pasi ndaj tyre janë ngritur disa akuza për krime lufte gjatë periudhës së konfliktit në Kosovë me Serbinë në vitet 1998-1999.