Protestat e studentëve në Shqipëri rikthehen nesër

Të hënën e 7 janarit studentët në Shqipëri do t`u kthehen sërish protestave, pavarësisht se disa nga kërkesat e tyre janë plotësuar nga qeveria. 

Ata paralajmërojnë një tubim masiv para Kryeministrisë, me mbështetje të studentëve të rretheve dhe qytetarëve. 

Thonë se nuk kanë hequr dorë nga kërkesat, ndërsa shtojnë se ato mund të shtohen pasi çdo fakultet do të përpilojnë në vijim një liste me problematikat për të cilat do të kërkojnë zgjidhje nga qeveria. 

Organizimi do të jetë i njëjtë, do të nisë nga fakultetet në orën 8 të së hënës dhe në orën 10 do të marshohet drejt Kryeministrisë. 

Pankartat nuk do të mungojnë, paralajmërojnë edhe surpriza, por nuk pranojnë të zbulojnë detaje. Protesta nuk do të ketë një afat.