Pse aeroplanët nuk fluturojnë mbi Antartikë?

Ndonëse fluturimi mbi Antarktikë mund të shkurtojë disa rrugë fluturimi, kontinenti i ngrirë mbetet kryesisht jashtë kufijve për udhëtimet ajrore komerciale dhe për arsye të mirë.

Marita, një eksperte spanjolle e aviacionit, përmes një postimi në TikTok zbuloi pse linjat ajrore hezitojnë të fluturojnë mbi Antarktikë, që shtrihet afërsisht 14.2 milionë kilometra katrorë. Kjo e bën atë kontinentin e pestë më të madh në Tokë, madje edhe më i madh se Evropa. Pra, pse aeroplanët zakonisht nuk marrin një rrugë të shkurtër mbi këtë hapësirë të madhe të akullit?

Në një video, Marita shpjegoi se pavarësisht përparimeve në teknologjinë e aviacionit, pothuajse nuk ka fluturime që fluturojnë mbi Antarktikë për shkak të trashësisë së ndryshme të atmosferës së Tokës. “Shtresat e atmosferës nuk janë të njëjta në të gjithë planetin. Për shkak të rrotullimit të planetit, ato janë më të trasha në ekuator sesa në pole”-tha Marita. Sipas pilotes, trashësia e atmosferës ka një ndikim të drejtpërdrejtë në shëndetin e njeriut, pasi na mbron nga rrezatimi diellor.

“Nëse aeroplanët fluturojnë nëpër troposferë, por ajo është shumë e hollë, ne do të marrim më shumë rrezatim”-shpjegoi Marita. Më tej ajo pohoi se gjatë karrierës së tyre, një pilot aeroplani “merr më shumë rrezatim se dikush që punon në një termocentral bërthamor”. “Duhet ta marrim parasysh këtë dhe të përpiqemi të mos i ekspozojmë pilotët ndaj rrezatimit”-shtoi ajo. Ndërkaq, rikujtojmë se një punonjës i Google Earth pretendon se ka gjetur një figurë që përngjan me fytyrën e një alieni në mes të dëborës në rajonin ekstrem të botës në Antarktidë. Një imazh satelitor i shpërndarë në faqen Reddit ka ngjallur debate të shumta pasi ai duket si një fytyrë me sy gjysmë të mbyllur, hundë dhe gojë në borën e bardhë.