Maqedonia
Pse dështoi takimi i ‘Open Balkan’ që ishte paraparë të mbahet sonte në Shkup?
![](https://www.albinfo.ch/wp-content/uploads/2024/01/screenshot_20240121_151448_facebook-587x385.jpg)
Ditën e nesërme do të mblidhen në Shkup liderët e vendeve të rajonit, të cilët do të diskutojnë rreth Planit të Rritjes për Ballkanin Perëndimor, të miratuar nga Komisioni Evropian.
Gazetari Naser Pajaziti është shprehur për euronews se më herët ishte planifikuar që ditën e sotme të mblidheshin përfaqësuesit e vendeve të “Ballkanit të Hapur”, përfshi edhe kryeministrin Edi Rama, por kjo sipas tij u anulua.
Sipas Pajazitit, anulimi i këtij takimi është një mesazh i qartë se BE në këtë situatë nuk do të lejojë projekte apo iniciativa që janë mbi çështjet prioritare të vetë unionit.
Pra sipas tij, BE nuk do të lejojë projekte apo iniciativa të tjera në Ballkan, përpos procesit të Berlinit.
“Unë do të flas paraprakisht ndryshimin e takimit të sotëm. Sot ishte parashikuar takimi për ‘Ballkanin e Hapur’, i thirrur nga kryeministri Dimitar Kovaçevski, që kishte të bënte me nënshkrimin e një protokolli për tregun e lirë të fuqisë punëtore të këtyre vendeve.
Qeveria e Maqedonisë papritur e anuloi këtë takim në prag të këtij samite të nivelit të lartë të BE me vendet e Ballkanit të Hapur. Për sot ishte planifikuar një takim i treshes së vendeve të Ballkanit të Hapur ku ishte përmendur edhe prania e kryeministrit shqiptar Edi Rama, por kjo nuk ndodhi.
Ky anulim është shumë i qartë se BE në këtë situatë gjeostrategjike nuk do lejojë projekte që janë mbi iniciativat apo mbi çështjet prioritare të BE. Kemi të bëjmë me një pozicion të qartë nga BE se nuk do të lejojë diçka mbi procesin e Berlinit”, tha Pajaziti.
Të tjera nga Maqedonia
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n