Pse në Zvicër testohen vetëm pacientët me rrezik të lartë

(AP Photo/Jessica Hill)

Industria e ilaçeve nuk mund të sigurojë komplete të mjaftueshme diagnostikuese për koronavirusin, në mënyrë që të përmbushë rekomandimin e Organizatës Botërore të Shëndetësisë për përpjekje të gjera të testimit, deklaroi një ekzekutiv kryesor farmaceutik.

“Ndërsa industria ka rritur prodhimin dhe ndërsa ofrohen më shumë kapacitete testimi, kërkesa ende po tejkalon furnizimin”, theksoi shefi ekzekutiv i kompanisë farmaceutike “Roche”, Severin Schwann në një konferencë të Federatës Ndërkombëtare të Prodhuesve dhe Shoqatave Farmaceutike (IFPMA), transmeton ATSH.

“Kjo është arsyeja pse testimi duhet të fokusohet tek pacientët me rrezik të lartë dhe tek ata që kanë simptoma të COVID-19”, shtoi ai, përcjell albinfo.ch.

“Në këtë kohë, testimi i gjerë, thjesht nuk është i mundshëm”, theksoi Schwann.