Punëdhënësit në ndërtimtari nuk pranojnë rritjen e pagave për 150 franga në muaj

Sindikatat që përfaqësojnë punëtorët e ndërtimtarisë, Unia dhe Syna, kanë kërkuar rritje prej 150 frangash në muaj për pagat mujore të të gjithë punëtorëve në ndërtim

Negociata për paga që po zhvilloheshin në mes të Federatës së Punëdhënësve në ndërtimtari nga njëra anë dhe sidnkatave në anën tjetër, duket se janë në një fazë ngecjeje, shkruan sda.ch.

Sindikatat që përfaqësojnë punëtorët e ndërtimtarisë, Unia dhe Syna, kanë kërkuar rritje prej 150 frangash në muaj për pagat mujore të të gjithë punëtorëve në ndërtim, transmeton albinfo.ch. Këtë kërkesë indikalistët e mbështesin në rritjen që ka pasur dega e ndërtimtarisë viteve të fundit, rritje kjo nga e cila nuk kanë përfituar punëtorët. Por punëdhënësit e hedhin poshtë këtë kërkesë duke e quajtur të tepruar.

Në një konferencë të sindikatës Unia, 160 punëtorë të ndërtimtarisë kishin drejtuar kritika ndaj punëdhënësve të degës së tyre se nuk pranojnë rritje të pagave, përkundër faktit se konjunktura e degës po kalon nëpër një fazë të shkëlqyer, përcjell albinfo.ch. Por, shefat e ndërmarrjeve të ndërtimit thonë se sindikalistët e kanë injoruar realitetin ekonomik.

Ata nga ana e tyre janë të gatshëm që rrogat e punëtorëve t`i rrisin efektivisht për 0.5 për qind, por këtu do të përfundojë hapësira e diskutimit. Me fjalë tjera, ky është maksimumi që ata pranojnë.