Punëtorët demonstrojnë kundër pensionimit në moshën 67 vjeçare

Komisioni parlamentar për siguri sociale dhe për shëndetësi, nga mesi i gushtit pati propozuar që në kuadrin e reformës së sistemit sigurimit të pensioneve të moshës të ngrihet në mënyrë automatike dhe mosha e pensionimit në 67 vjet

Keystone

Disa mijëra punëtorë të organizuar nga “Aleanca për një AHV të fortë” (një bashkim i sindikatave dhe organizatave tjera të punëmarrësve të shërbimit publik, partive të majta e të gjelbra etj) kanë demonstruar sot në Bernë kundër procesit të ashtuquajtur të ridefinimit të sistemit të pensioneve dhe për një pension të moshës dhe trashëgimisë  (AHV) të fortë.

Kjo aleancë qëndron mbrapa iniciativës “AHV plus”, për të cilën populli zviceran do të votojë në referendum më 25 shtator, shkruan sda.ch.

Demonstrimi në Bernë qe drejtuar edhe kundër dumpingut të pagave dhe kundër “deindustrializimit” si pasojë një politike të dështuar monetare”.

Siç dihet tashmë Komisioni parlamentar për siguri sociale dhe për shëndetësi, nga mesi i gushtit pati propozuar që në kuadrin e reformës së sistemit sigurimit të pensioneve të moshës të ngrihet në mënyrë automatike dhe mosha e pensionimit në 67 vjet, transmeton albinfo.ch. Kjo do të bëhej në rast se fondi i AHV do të binte në telashe financiare.

Nga ana tjetër reforma e sistemit të pensionimit (Altersreform 2020) do të trajtohet nga të dy dhomat e parlamentit në sesionin vjeshtor të tij.