Qeveria, dispozita të reja për dëbimin e të huajve me dosje krimi

Me vendimin që ka marrë sot Këshilli Federal është bërë një ndryshim në rregullore, me çfarë sigurohet që të gjitha informatat mbi përfshirjen në delikte duhet të regjistrohen në regjistrin e veprave penale

Fushatën për iniciativën e dëbimit të të huajve me dosje krimi, e cila është votuar nga zviceranët disa vite më parë e kishte karakterizuar “lufta” për numrat. Fjala është për numrin e atyre që duhet të dëbohen, rreth të cilëve kishte kontestime të ndryshme.

Me vendimin që ka marrë sot Këshilli Federal është bërë një ndryshim në rregullore, me çfarë sigurohet që të gjitha informatat mbi përfshirjen në delikte duhet të regjistrohen në regjistrin e veprave penale. Kështu, në të ardhmen të gjitha të dhënat në këtë drejtim do të jenë në dispozicion në mënyrë të detajuar,

Nga kjo mund të nxirret përfundimi se në sa raste është shfrytëzuar klauzola e rasteve të rënda.

Kërkesa për një monitorim të këtij lloji i ka ardhur qeverisë nga parlamenti. Ligji për aplikimin e iniciativës për dëbimin e të huajve të kriminalizuar  tashmë ka hyrë në fuqi (nga 1 tetori i vitit të kaluar) ndërsa ndryshimet në rregullore do të vlejnë nga 1 mars.