Qeveria e Kosovës miraton nismën për marrëveshjen kornizë të mbrojtjes me SHBA-në

Qeveria e Kosovës, në mbledhjen e sotme, ka miratuar nismën për lidhjen e marrëveshjes kornizë për bashkëpunim në fushën e mbrojtjes ndërmjet Kosovës dhe SHBA-së, përcjell albinfo.ch.

Ministri i Mbrojtjes, Ejup Maqedonci, theksoi se kjo marrëveshje synon avancimin e bashkëpunimit të ndërsjellë në planifikimin e mbrojtjes, forcimin e qëndrueshmërisë strategjike dhe ngritjen e kapaciteteve ushtarake.

Ai shtoi se qëllimi i kësaj marrëveshjeje është përkushtimi i të dyja palëve në fushën e mbrojtjes.

“Kjo nismë është në përputhje me synimet tona për integrim më të gjerë euroatlantik, rritjen e ndërveprueshmërisë dhe forcimin e partneritetit të ngushtë me SHBA-në,” tha Maqedonci.