Qeveria e shqetësuar me qasjen e BE-së ndaj Kosovës

Zëvendëskryeministri i Kosovës, Enver Hoxhaj, ka shprehur shqetësimin për siç ka thënë një qasje selektive që i bëhet vendeve të rajonit në këtë dokument strategjik të Komisionit Evropian.

“Dokumenti nuk jep kushte dhe as afate kohore sa i përket procesit të integrimit të vendit tonë, dhe kjo e bënë të paqartë të ardhmen e raporteve të Kosovës me Bashkimin Evropian dhe të implementimit të Marrëveshjes së Stabilizim Asociimit, të nënshkruar nga Kosova dhe Komisioni Evropian”, ka deklaruar Hoxhaj, përcjell albinfo.ch.

Ky dokument është duke u qarkulluar te vendet anëtare të Bashkimit Evropian dhe do të bëhet publike më 7 shkurt 2018.

Në mbledhjen e 25-të të qeverisë, janë shpronësuar prona të paluajtshme për ndërtim të rrugës nacionale Prishtinë-Pejë dhe shpronësim i disa pronave tjera me qëllim të ndërtimit të rrugëve.

Gjithashtu, qeveria ka shqyrtuar propozim-vendimin për kandidatët për anëtarë të Bordit të AKP-së, ka zgjedhur drejtorin e përgjithshëm të Agjencisë për Menaxhimin Emergjent, ndërsa ka mbajtur një minutë heshtje për Jonuz Musliun dhe Oliver Ivanoviqin.