Qeveria e Shqipërisë dhe ajo e Kosovës do të nënshkruajnë 12 marrëveshje

Sot pasdite, në qytetin e Korçës, do të mbahet mbledhja e parë ndërmjet Qeverisë së Kosovës dhe asaj të Shqipërisë, e cila do të vazhdojë edhe të martën në qytetin e Vlorës, ku edhe pritet të nënshkruhen disa marrëveshje të rëndësishme, transmeton albinfo.ch.

Takimi dypalësh është parashikuar të fillojë rreth orës 16:00, ku pas nënshkrimit të marrëveshjeve, do të ketë dhe një konferencë për media mes dy kryeministrave, e cila do të ndiqet nga një darkë zyrtare.

Në Vlorë, të martën, më 28 nëntor, do të nënshkruhen 12 marrëveshje bashkëpunimi. Në Vlorë dy qeveritë, e Shqipërisë dhe ajo e Kosovës, do të marrin pjesë edhe në festimet e 105-vjetorit të Pavarësisë së Shqipërisë.