Qeveria e Zvicrës vendos më 12 maj për lehtësimet e radhës

Këshilli Federal do të vendosë të mërkurën e ardhshme (12 maj) se cilat lehtësime të mëtejshme shihen si më të mundshme

Pasi lehtësimi i fundit qe njoftuar tri javë më parë, pritej që Këshilli Federal deri më 12 maj, të mos komentonte mbi hapat e ardhshëm, shkruan srf.ch.

Por tani që numrat e infeksioneve po bien me shpejtësi, situata duket më e qëndrueshme nga sa shpresohej në parashikimet e favorshme. Për këtë arse, qeveria e shtetit ka besimin që të paktën të sugjerojë se: “hapat e mëtejshëm të hapjes së kujdesshme duken të mundshëm”, transmeton albinfo.ch. Kështu ka deklaruar Këshilli Federal të premten, pas bisedimeve të von Wattenwyl me partitë që janë të përfaqësuara në Parlamentin Federal.

Në takim kanë marrë pjesë Presidenti Federal Guy Parmelin me ministrat Alain Berset dhe Ignazio Cassis.

Delegacioni i Këshillit Federal dhe palët kanë shkëmbyer lidhur me “hapat e ardhshëm të hapjes dhe rrjedhën e fushatës së vaksinimit”, thuhet në një deklaratë nga ky takim.

Konkretisht, Këshilli Federal do të vendosë të mërkurën e ardhshme (12 maj) se cilat lehtësime të mëtejshme shihen si më të mundshme.

---