Qeveria të merret me pensionet nga Zvicra

Në seancën e sotme të Kuvendit, deputeti i mazhorancës, Zenun Pajaziti ka kërkuar nga Qeveria të merret me çështjen e pensioneve të shtetasve të Kosovës të cilët kanë punuar në Zvicër.

Sipas Pajazitit, që nga shkëputja e njëanshme e marrëveshjes për pensione nuk është bërë asgjë dhe se në këtë drejtim Prishtina zyrtare duhet ndërmarr diçka për të mbrojtur shtetasit e saj.

Ndërsa, lidhur me themelimin e Ministrisë së Diasporës, Pajaziti ka thënë se duhet të bëhet më shumë për pensionet e komuniteti kosovar në Zvicër.

“Kjo marrëveshje është shkëputur njëanshëm dhe që nga atëherë nuk është bërë as gjë. Komuniteti kosovare është i pesti në Zvicër, zgjidhja e çështjeve të pensioneve është edhe në interes edhe shteti i zviceran”, theksoi ish-ministri I Punëve të Brendshme, Zenun Pajaziti, aktualisht deputet I PDK-së në Kuvend.