Arrestohen qiradhënësi dhe dy shqiptarët që uzurpuan shtëpinë e një gruaje

Kur pronarja pas shumë kohësh vendosi të kthehet në shtëpi, çelësi i saj nuk pasonte me derën e hyrjes. Dhe këtu nuk përfundon historia…

Keystone/ Ilustrim

Një grua 24 vjeçare nga Oberhausen me gjasë është viktimë e “uzurpimit” të shtëpisë së saj. Kur pronarja pas shumë kohësh vendosi të kthehet në shtëpi, çelësi i saj nuk pasonte me derën e hyrjes, shkruan bild.de. Dhe këtu nuk përfundon historia…

Aty kishin banuar me qira një familje e madhe. Ajo luti një fqinje tjetër (49) për ndihmë dhe sqarim. Kjo e fundit i sqaroi se në shtëpi banonin persona tjerë, për shkak se nuk ishte paguar prej kohësh qiraja.

Përveç kësaj gjithë orenditë shtëpiake ishin “larguar” për qejfin e qiramarrësve të ri. Gruaja thirri menjëherë policinë. Ata gjetën në shtëpi dy shqiptarë (43, 33), të cilët qëndronin si turistë në Gjermani dhe nuk kishin adresë banimi në Oberhausen.

24 vjeçara kur hyri në shtëpi, pa se gjithçka ishte ndryshuar dhe nuk kishte gjurmë nga shtëpia e vjetër. Qiradhënësi dhe dy shqiptarët janë arrestuar dhe kaluan festat e fillim majit në paraburgim.

Hetimet vijojnë.