Qytetari nga Ballkani terrorizon fqinjët e lagjes në Bazel

Mbeturina, zhurmë, qira të papaguara dhe kërcënime: Nja banor i Bazelit në Zvicër ua ka bërë të rëndë jetën bashkëbanuesve

Që disa vite me radhë, një banor i Bazelit është duke terrorizuar fqinjët e tij në një ndërtesë në lagjen St. Johann. Në ballkonin e tij përdhes, për çdo ditë grumbullohen shishe të zbrazura alkooli dhe mbeturina, të cilat kundërmojnë ashpër.

“Kështu duket për çdo ditë”, ankohet qiradhënësi i banesës në rrugën “Mühlhauserstrasse”. “Jam munduar të bisedoj me te disa herë, mirëpo gjithnjë më ka refuzuar, bile edhe më ka kërcënuar dhe ka treguar agresvitet”, pohon qiradhënësi i cili dëshiron të mbetet anonim.

«Për çdo fundjavë dhe ndonjëherë edhe gjatë ditëve të punës, në banesë diçka festohet. Muzika është aq e zhurmshme sa që e tërë banesa dridhet, personat dehen dhe dalin e hynë deri në orën 03.30 të mëngjesit», vazhdon më tej qiradhënësi për “20 Minuten”, përcjell Albinfo.ch.

Një gjë e tillë është duke ndodhur që nga vendosja e tij në banesë, në gusht të muajit 2015. Disa bashkëbanues kanë reaguar edhe më parë, bile disa të tjerë edhe janë zhvendosur, pasi nuk kanë mundur të durojnë stilin ekstravagant të serbit. Ky banues nuk njehë kufi dhe për dy muaj me radhë nuk e ka paguar banesën.

Qiradhënësi disa herë është përpjekur për ta dëbuar nga ndërtesa, mirëpo deri më tani pa sukses, për shkak të interpretimit të ndryshëm të ligjit. Deri më tani, procedura e zgjidhjes së problemeve me banuesin, atij i ka kushtuar rreth 11 mijë franga dhe ai nuk mund ta kuptojë përse.