Qytetari nga Shkupi me rrogë vjetore prej 2.7 milionë euro

Bruto paga më e lartë në Maqedoni në vitin 2016 është paguar në sektorin privat të shëndetësisë dhe është 2,7 milionë euro, ndërsa 416 mijë euro është bonusi më i lartë i paguar nga marrëdhënia pune në nivel vjetor

Katër milionë euro ka qenë përfitimi më i lartë në Maqedoni që gjatë vitit 2016 e ka paraqitur një person, i cili sipas DAP-it është nga Shkupi.

Nga dhjetë persona fizik me të ardhura më të larta vjetore, tetë prej tyre janë qytetarë të Shkupit, ndërsa dy të tjerët janë nga Struga dhe Koçani.

Shumat që këta persona i kanë fituar janë vetëm ëndërr për shumicën e qytetarëve, raportojnë mediat vendase.

Bruto paga më e lartë në Maqedoni në vitin 2016 është paguar në sektorin privat të shëndetësisë dhe është 2,7 milionë euro, ndërsa 416 mijë euro është bonusi më i lartë i paguar nga marrëdhënia pune në nivel vjetor, përcjell albinfo.ch.

Nga dhënia e pronës me qira më së shumti është pasuruar një tetovar i cili ka arkëtuar 1 milion euro.

Njeriu më me fat nga lotaria, bastoret, kazinot dhe lojërat shpërblyese ka fituar 450 mijë euro.

Të ardhurat më të larta në vitin 2016

Rroga bruto 2,7 milionë euro Shkup

Dividendi 1,8 milionë euro Shkup

Përfitimi kapital 1,3 milionë euro Shkup

Dhënie të pronës me qira 1,0 milionë euro Tetovë

Lojërat e fatit 447.000 euro Shkup

Të drejtat autoriale 282.000 euro Shkup