Qyteti turistik francez ndëshkon vizitorët “gjysmë të zhveshur” me gjoba deri në 150 euro

pixabay nice france

Një qytet në Francë ka vendosur masa të rrepta kundër personave që ecin topless ose me rroba banje jashtë plazhit. Sipas CNN, autoritetet në Les Sables d’Olonne, një destinacion turistik në bregun atlantik, kanë vendosur gjoba deri në 150 euro për këdo që shfaqet “gjysmë i zhveshur” në rrugët e qytetit.

Kryetari i bashkisë, Yannick Moreau, e përshkroi këtë sjellje si “të pahijshme” dhe theksoi se kjo është çështje respekti për banorët dhe higjienë publike. Ai shtoi se ata që dëshirojnë të tregojnë trupin e tyre mund ta bëjnë këtë pa problem në 11 kilometra plazh që ofron qyteti.

Kjo masë pritet të ndihmojë në ruajtjen e një ambienti më të respektueshëm dhe të qetë për banorët dhe turistët, duke u bashkuar me qytete të tjera franceze që po zbatojnë rregulla të ngjashme.