Rafet Gashi fiton çmimin Ushtari më i mirë ndërkombëtar

Përveç, Kosovës pjesë e garës ndërkombëtare ishin edhe Shqipëria, Belgjika, Kanadaja, Kroacia, Maqedonia, Turqia dhe Britania e Madhe, të cilat garuan me nga dy pjesëtarë

Rafet Gashi, pjesëtar i Forcës së Sigurisë së Kosovës (FSK), ka fituar çmimin si Ushtari më i mirë ndërkombëtar 2017, ka njoftuar FSK-ja, përcjell albinfo.ch.

Në vendin e dytë u rendit, Ivo Vasiq nga Kroacia, tetar, ndërsa vendin e tretë i takoi Besnik Nebihun, gjithashtu pjesëtar i FSK-së.

Gjatë kësaj ceremonie u shpallen edhe rezultatet e garës së FSK-së: Ushtari më i mirë i vitit 2017 i takoi tetarit Binak Podrimqaku, vendi i dytë tetarit Elvis Hasanaj dhe vendi i tretë ushtarit Mehdi Bajraktari.

Në këtë garë morën pjesë 21 garues nga FSK-ja , të cilit garuan për ushtarin më të mirë të FSK-së, dhe 16 garues të cilët garuan për ushtarin me të mirë ndërkombëtar. Përveç, Kosovës pjesë e garës ndërkombëtare ishin edhe Shqipëria, Belgjika, Kanadaja, Kroacia, Maqedonia, Turqia dhe Britania e Madhe, të cilat garuan me nga dy pjesëtarë.