Rama: 7-15 vjet burg për arkitektët dhe ndërtuesit ‘shkel e shko’

"7 deri në 15 vjet burg për çdo ndërtues, që leja jepet për 3 kate dhe bëjnë 8 kate"

Së fundi kryeministri Edi Rama paralajmëroi masa ekstreme për të gjithë ata ndërtues, supervizorë dhe arkitektë që abuzojnë me ndërtimet e pallatave dhe godinave të tjera të banimit.

Ai bëri të ditur se po përgatitet një akt për dënimet në lidhje me këto abuzime.

Ai paralajmeroi se çdo ndërtues, i cili do të bëjë shkelje, si p.sh. duke e nisur godinen për 3 katë e duke e çuar në 8, do të dënohet me burg nga 7 deri në 15 vjet.

“Por përgatisim edhe një akt për dënimet. Me 50 viktima, nga ndërtimet e 30 vjetëve.  Burgosjen e çdo individi që merr leje ndërtimi me emrin e tij, që lë pas një ndërtim që ka shkelje. 7 deri në 15 vjet për çdo ndërtues që leja jepet për 3 kate dhe bëjnë 8 kate. Për përgjegjësitë duhet të shohim invetarin një herë. Burg për ndërtuesin, burg për akitektin dhe burg për supervizorin. Arkitektët duhet të denoncojnë pronarin e tyre në rast shkelje, kur i thotë më bëj një kat tjetër lale, janë bashkëpunëtorë“.

Po ashtu, vendimi i qeverisë për ashpërsimin e dënimeve për ata që ndërtojnë keq dhe shkelin rregullat pritet të merret pas tërmetit që ra më 26 nëntor, ku vdiqën 50 persona, e ku janë dëmtuar qindra ndërtesa të larta dhe të vogla në shumë zona të vendit, përcjell albinfo.ch.

---