Rama përplaset me rusët në OKB për Kosovën

Edi Rama, Facebook

Kryeministri i Shqipërisë, Edi Rama, ka pasur një debat të acaruar me palën ruse në Këshillin e Sigurimit derisa po diskutohej agresioni ndaj Ukrainës.

Ai ka thënë se Rusia është përpjekur shumë herë të keqpërdorë realitetin e ndryshimit në Ballkanin Perëndimor, specifikisht pavarësinë e Kosovës, transmeton klankosova.tv.

”Historia ka konfirmuar se ata që e panë luftën si një rrugë të shkurtër për të arritur qëllimet e tyre, përfunduan duke u penduar përgjithmonë. Rusia është përpjekur shumë herë të përdorë ose më mirë ta keqpërdor realitetin e ndryshimit në Ballkanin Perëndimor. Veçanërisht me lindjen e Republikës së Kosovës, për të justifikuar ëndrrat e tyre neoimperiale dhe makthin e ngrysur që kanë eksportuar në Ukrainë”, është shprehur Rama, përcjell albinfo.ch.

Rama ka shtuar se Gjykata Ndërkombëtare Penale s’mund të shërbejë si pretekst për grabitje territoresh.

”Pavarësisht se sa përpiqeni, Kosova, pavarësia e së cilës është sanksionuar, nga Gjykata Ndërkombëtare Penale, kreu 14 i kësaj karte të Kombeve të Bashkuara. Gjykata Ndërkombëtare Penale nuk mund të shërbejë si pretekst për rrëmbim territoresh apo aneksim të paligjshëm”, ka vazhduar tutje Rama, përcjell albinfo.ch.