Ramadani: Strategjia e Sigurisë së Kosovës, e modernizuar

Zëvendësministri i Mbrojtjes, Burim Ramadani, ka thënë se Strategjia e Sigurisë së Kosovës është strategji modernizimi dhe forcimi të institucioneve, duke bërë Kosovën të synojë që të kthehet në shtet model në rajon në fushën e sigurisë, mbrojtjes, informacionit dhe diplomacisë.

“Me të drejtë, kemi definuar Aktivitetet e Jashtme Armiqësore (Serbinë dhe Rusinë) si kërcënimin kryesor ndaj sigurisë së Kosovës.  Pak javë pasi ne miratuam Strategjinë tonë të modernizimit, Serbia e miratoi Strategjinë e vet Millosheviqiane. Sërish, e konfirmoi se Serbia nuk ka ndryshuar fare, vetëm që tash frikësohet të bëjë luftëra, sepse është djegur keq në Kosovë. Pra, dallimi mes nesh është konceptual, i thellë dhe dallim mes të mirës e të keqes”, ka shkruar Ramadani në Facebook.

Sipas Ramadanit, Kosova do të modernizojë veten dhe rajonin, ndërsa në Serbi duan ta kthejnë të kaluarën Millosheviqiane.