Ramë Lahaj me koncert në Dubai për Ditën e Pavarësisë së Kosovës

Biletat për qytetarët kosovarë dhe atdhetarët, që duan të marrin pjesë në këtë shfaqje kulturore, janë

Ditën e Pavarësisë së Kosovës, disa zyrtarë të institucioneve të Kosovës do ta presin në Dubai. Kjo për faktin se atje po vazhdon prezentimi i Kosovës në ekspozitën botërore “EXPO 2020 DUBAI”, transmeton Albinfo.ch.

E pikërisht për këtë ditë atje do të jetë edhe tenori i njohur shqiptar, Ramë Lahaj i cili do të mbajë një koncert në Dubai, ndërsa biletat për qytetarët kosovarë dhe atdhetarët, që duan të marrin pjesë në këtë shfaqje kulturore, janë falas.

Lajmin e ka bërë të ditur, Ministrja e Industrisë, Ndërmarrësisë dhe Tregtisë, Rozeta Hajdari – e cila, përmes një postimi në Facebook.

“Për ti dhënë akoma më shumë vlerë kësaj paraqitje, tenori ynë i skenave ndërkombëtare njëherësh dhe Ambasadori i Kulturës, Ramë Lahaj do të mbajë koncert në Ditën e Pavarësisë së Republikës së Kosovës, më 17 shkurt 2022 në Amfiteatrin Milenium në Dubai, prej orës 21:30 (18:30 – zona kohore e Kosovës). Të gjithë bashkatdhetarët dhe qytetarët tanë në Kosovë, që duan të jenë pjesë e kësaj feste, ftohen ti marrin biletat falas për të hyrë në ‘EXPO 2020 Dubai’ me 17 shkurt 2022”, thuhet mes tjerash në njoftim.

Poashtu është bërë e ditur se përveç koncertit të Lahajt, në Dubai do të ketë paraqitje skenike edhe Ansambli kombëtar i këngëve dhe valleve “Shota”.

“Ndërsa ceremoninë zyrtare të intonimit të himneve, e ngritjes së flamurit tonë, fjalimet përshëndetëse dhe paraqitjen e Ansamblit kombëtar të këngëve dhe valleve “SHOTA”, mund ti ndiqni prej orës 16:00 ( 13:00 – zona kohore e Kosovës), në të njëjtën ditë 17 Shkurt, në Al Was Plaza në Dubai”, bëri të ditur ministrja Hajdari.

---