Reagon Rama pas arrestimit të piktorit në Angli

Kryeministri i Shqipërisë, Edi Rama ka reaguar pas arrestimit të piktorit shqiptar, Agim Agaj, nga policia britanike pasi këta të fundit ngatërruan çajin e malit me drogë duke dyshuar se 53-vjeçari merrej me kultivimin dhe transportin e kanabisit, përcjellë albinfo.ch.

Rama i ka bërë ‘tag’ edhe kryeministrit britanik, Rishi Sunak, ndërsa ka ngritur pyetjen se si do reagonte ai nëse një shtetas britanik do të përballej me një situatë të tillë në vendin tonë.

“Ju bëj thirrje ta lexoni të plotë dhe i falënderoj shumë autorët e asaj historie të trishtë, jo vetëm në emër të Agimit dhe shqiptarëve, por edhe për ndriçimin e vështirësive me të cilat përballen njerëzit e guximshëm që kanë emigruar në ky vend i madh. Shqipëria është plotësisht e përkushtuar për të ofruar gjithçka që është e nevojshme për një luftë të suksesshme kundër rrjeteve kriminale. Megjithatë, nëse Britania nuk mund të tregojë respekt për komunitetin shqiptar me veprime në vend të fjalëve, si mund të presim bashkëpunim të suksesshëm midis qeverive tona? Të gjithë e dimë përgjigjen, por ajo që nuk jam i sigurt është se si miku im Rishi Sunak do të përballej nëse një shtetas britanik do të arrestohej në Shqipëri për bartjen e çajit anglez dhe do të akuzohej si tregtar droge! Kjo situatë është dëshpëruese dhe persekutorët e Agimit duhet të mbajnë përgjegjësi!” ka shkruar Rama, përcjellë albinfo.ch.