Refugjatët e Ukrainës: sa janë të zhvendosur dhe ku do të shkojnë?

(AP Photo/Visar Kryeziu)

Pushtimi rus i Ukrainës mund të shohë “krizën më të madhe të refugjatëve këtë shekull”, ka paralajmëruar agjencia e OKB-së për refugjatët, me deri në 4 milionë njerëz që ikin nga vendi në javët dhe muajt e ardhshëm, shkruan “TheGuardian”, përcjell albinfo.ch.

Më shumë se 1 milion njerëz kanë kaluar tashmë kufijtë që nga 24 shkurti, kur filloi pushtimi rus.

Kriza e refugjatëve të vitit 2015 pa 1.3 milionë njerëz që u përpoqën të mbërrinin në Evropë nga vende, duke përfshirë Sirinë, Afganistanin dhe Irakun.

Fluturimet e brendshme civile u anuluan në ditën e parë të pushtimit. Që atëherë, njerëzit janë nisur drejt Perëndimit në vendet fqinje, duke përfshirë Poloninë, Rumaninë, Moldavinë dhe Hungarinë.

Më shumë se gjysma – gati 548,000 – janë larguar në Poloni, e cila ndan një kufi 500 km me Ukrainën. 133,000 të tjerë kanë shkuar në Hungari, 72,000 në Sllovaki, 51,260 në Rumani dhe gati 98,000 në Moldavi. Një numër i vogël, pak më shumë se 350, kanë udhëtuar drejt Bjellorusisë, përcjell tutje albinfo.ch.