Regjioni Jura mbetet në Bernë

70 për Qind të pjesëmarrësve në votimin e sotëm,sipas rezultateve të deritashme kanë votuar për mbetje në kantonin e Bernës

Shumica dërmuese e votuesve të regjionit Jura në kuadrin e kantonit të Bernës kanë hedhur poshtë iniciativën për të themeluar süe bashku me kantonin ekzistues Jura një kanton të ri, më të madh frankofon. Plot 70 për qind, sipas rezultateve të deritashme kanë votuar për mbetje në kantonin e Bernës.

Por, në të njëjtën kohë kanë votuar edhe qytetarët e kantonit Jura për t`ia bashkuar kantonit të tyre regjionin frankofon të mbetur në Bernë. Këta ndërkaq kanë votuar me shumicë për iniciativën.

Me gjithë faktin se refuzimi i iniciativës tashmë është punë e kryer, ende priten rezultatet nga komuna më e madhe e regjionit, Moutier, që merret edhe si bastion i separatizmit jurasian. Dallimi ka qenë shumë i ngushtë kështu që votat janë dërguar në rinumërim.  

Krahas votimit për tri iniciativat në nivel federal, votimi për kantonin Jura që mbahet në dy kantone ka ngjallur interesimin më të madh të opinionit të gjithë Zvicrës.