Remitencat e diasporës forcojnë ekonominë në Kosovë

Gjatë këtij viti remitencat kanë arritur në 445 milionë euro.

Milionat e bashkatdhetarëve të dërguara në Kosovë tash e 20 vjet kanë qenē infuzion i ekonomisë e mirëqenies në Kosovë.

Ata po vazhdojnë të dërgojnë para në vendlindje derisa tashmë po ftohen nga institucionet edhe si investitorë, transmeton Albinfo.ch.

Guvernatori i Bankës Qendrore të Republikë së Kosovës (BQK), Fehmi Mehmeti, foli edhe për remitencat dhe tha se ato janë një ndër komponentet të rëndësishme për përkrahje të familjeve të Kosovës.

“Rigjallërimi me të cilin u karakterizuan konsumi dhe investimet gjatë vitit 2021 kryesisht mbështetet në lehtësimin e masave kufizuese që mbështetën lëvizjen e lirë, dinamikë që u reflektua në mbështetje shumë të lartë të aktivitetit të gjeneruar nga diaspora. Vetëm në vitin 2021 kontributi i fluksit të diasporës (remitancat e dërguara, shpenzimet e realizuara në kuadër të komponentës së udhëtimit në Bilancin e Pagesave të vendit, kompensimi i punonjësve sezonalë jashtë vendit dhe investimet në patundshmëri) në BPV-në e gjeneruar rezulton të ketë qenë rreth 43 për qind”, theksoi ai për rtk.

 

---