Riaktivizohen disa vatra në veri e në jug të Shqipërisë

Reshjet e shiut të rëna gjatë ditës së djeshme kanë mundësuar vënien nën kontroll të flakëve në veri të Shqipërisë. Në këtë mënyrë u arrit të shuheshin vatrat e zjarrit që rrezikonin banesat në fshatrat Thirrë, Munellë e Domgjon.

Pas dy javësh betejë me flakët, pamjet që ofron Mali i Thirrës, Qafa e Kumbullës dhe Mali i Munellës janë tragjike. Me qindra hektarë pisha e bimësi të djegura totalisht.

Por me pushimin e shiut disa prej vatra mëngjesin e kësaj të enjte u riaktivizuan. Në Majën e Rrunës, në Kukës situata është nën kontroll. Forcat e zjarrfikëses dhe ato të armatosura po punojnë për shuarjen përfundimtare edhe të disa vatrave të vogla.

Nën kontroll është situata edhe në fshatin Patalej në Lezhë, ku është angazhuar edhe një mjet helikopter për shuarjen e flakëve nga ajri. Një vatër zjarri është raportuar edhe në malin e Tërbunit në Pukë, ku po punohet për të vënën situatën nën kontroll.

Që prej mesditës së sotme forcat e zjarrfikëses janë vendosur në fshatin Radat të Dropullit, në kufi me Greqinë, pas shfaqjes së një vatre të madhe zjarri. Dyshimet e para bien mbi dy barinj, që po kullosnin bagëtitë. Ndërkohë në Karaburun e Dukat beteja me flakët tashmë është e fituar./klantv