Rikthehen skulpturat e vjedhura në vitin 1981

Skulptura të lashta që mungonin për dekada pas vjedhjes gjatë luftës civile në Liban janë prezantuar në Bejrut, falë një beteje globale kundër kontrabandës së antikiteteve, përcjell albinfo.ch.

Pesë statujat prej mermeri ishin pjesë e bastisjes së militantëve libanezë, të cilët i morën ato nga një depo në vitin 1981.

Tri nga pesë skulpturat e zbuluara në një ceremoni në Bejrut më parë ndodheshin në Muzeun Metropolitan të Nju-Jorkut.
Një nga njerëzit që punoi për rikthimin e këtyre skulpturave në Liban ishte avokati Matthew Bogdanos, një veteran i luftës irakiane që drejtoi hetimin për plaçkitje në muzeun kombëtar në Bagdad gjatë ofensivës së udhëhequr nga SHBA-ja për të rrëzuar Saddam Husseinin.

Bogdanos tha se plaçkitja e artefakteve dhe frika se trafikimi i artit po financonte grupe militante, ka shtyrë shumë shtete të punojnë së bashku për të ndaluar krimin me artefakte.