Rikthehet barrikada e hequr nga KFOR-i në veri

Serbët në veri të vendit kanë rikthyer barrikadën nga dheu e drunjtë në rrugën magjistrale Ribariq　–　Zubin Potok, që shkon drejt vendkalimit kufitar në Bërnjak. Kjo barrikadë u vendos në vendin, ku KFOR dje kishte hequr nga rruga kamionët e vënë si pengesa për kalim nëpër rrugë nga serbët. Vendosjen e barrikadave nuk e penguan ushtarët gjermanë.　

Serbët edhe mbrëmë e kanë kryer të ashtuquajturën kujdestari nëpër të gjitha barrikadat: në Jagnjenicë, Zupç, Mitrovicë, Leposaviq dhe nëpër barrikada të tjera më të vogla.