Rita e Dua bashkë në kampanjën kundër ngacmimeve seksuale

Të gjitha yjet në Brit Awards javën e ardhshme do të bartin një karficë-lule të bardhë në përkrahje të kampanjës “TimesUp”.

Organizatorët e ngjarjes prestigjioze u kanë shkruar të gjithë ‘labelave’ britanikë që të jenë të informuar me këtë plan.

Në letër theksohet se performuesit, prezantuesit dhe mysafirët do të marrin nga një karficë të tillë “si simbol të solidaritetit”, transmeton Albinfo.ch.

Dua Lipa, Rita Ora, Sam Smith e Ed Sheeran pritet të jenë në mesin e artistëve që do të përkrahin kampanjën kundër ngacmimeve seksuale në industrinë argëtuese.

Dua Lipa dominon sa i përket nominimeve në Brit Awards me gjithsej pesë, ndërsa Rita Ora pritet të performojë në mbrëmje.