Rita Ora i dhuron Tiranës kostumin popullor shqiptar

Këtë kostum këngëtarja shqiptare Rita Ora e kishte veshur në videoklipin e këngës hit “Gunna”.

Në Muzeun Etnografik të Tiranës, të cilin Bashkia e këtij qyteti ka vendosur ta krijojë brenda ndërtesës së “Sarajeve të Toptaneve”, tash e tutje do të ekspozohet edhe kostumi popullor tradicional shqiptar, të cilin këngëtarja Rita Ora e ka veshur në videoklipin e këngës hit “Gunna”.

Kryetari i Bashkisë së Tiranës, Erion Veliaj, ka bërë të ditur lajmin për dhurimin e kostumit popullor nga këngëtarja e famshme me origjinë shqiptare, transmeton Atsh, përcjell Albinfo.ch.

“Shum faleminderit Besnik Sahatçiu, Vera Ora dhe Elena Ora për ndihmën ndaj komunitetit të mësuesve shqiptarë në Londër, duke e kthyer “Queens Arms” në qendër komunitare! Falenderime pa fund Rita Ora, që i dhurove Bashkisë së Tiranës kostumin popullor shqiptar, që ne ta fillojmë Muzeun e ri Etnografik me një ‘Bang’”, theksoi Veliaj, transmeton Albinfo.ch.

 

---