Rita Ora s’ka pranuar të paguhet për koncertin në Prishtinë

Kryediplomati kosovar, Behgjet Pacolli ka konfirmuar lajmin se këngëtarja me famë botërore, Rita Ora do të vijë në 10 vjetorin e Pavarësisë së Kosovës.

Pacolli po ashtu ka bërë të ditur se këngëtarja kosovare nuk ka pranuar të paguhet, përcjell albinfo.ch.

“Familja Ora (Sahatçiu) meriton një respekt të madh për çdo gjë që kanë bërë për promovimin e Kosovës. Duke edukuar vajzën e tyre në një atdhetare të vërtetë. Kam kënaqësinë të konfirmoj ardhjen e yllit tonë botëror Rita Ora me rastin e 10 vjetorit të Pavarësisë. Ajo nuk ka pranuar të paguhet për këtë ngjarje dhe kjo do të thotë shumë për personalitetin e saj”, ka shkruar Pacolli në “Facebook”.