Rita Ora: Pa take të larta në skenë

Ajo po ashtu ka konfirmuar se “nuk ka asgjë” me Rob Kardashian-in. “Nuk është lidhje e vërtetë. Ai është një djalë cool, ne jemi të afërt mes vete dhe miq të mirë”

Në paraqitjet e saj skenike, këngëtarja e popullarizuar britanike-kosovare, Rita Ora u jep përparësi këpucëve komode, të lehta për bartje. Madje, ajo, në shumicën e koncerteve të saj bart atlete.

Duke folur për revistën “Complex”, talentja që ka pushtuar skenat botërore, thotë: “Unë i bart atletet gjithmonë në paraqitjet e mia. Po të dua, unë mund të bëhem edhe më feminile, por nuk dua të paraqitem me këpucë me take të larta. Nëse do ta bëja këtë, do të më duhej ta mbaja gojën hapur dhe unë, natyrisht, nuk e dua këtë”.

Kur jemi te Rita… Në intervistën e njëjtë ajo ka konfirmuar se “nuk ka asgjë me Rob Kardashian, vëllain e Kim Kardashian. “Nuk është lidhje e vërtetë. Nuk është aq intensive. Ai është një djalë cool, ne jemi të afërt mes vete dhe miq të mirë”. Asaj po ashtu nuk i pengon pse ai është një “Kardashian”. “Për mua nuk ka rëndësi prej nga vjen. Sa kohë që je njeri i ndershëm dhe më përkrah, do të përkrah edhe unë ty”, ka thënë Rita Ora.