Maqedonia
RMV: Të dhëna shqetësuese për dhunën ndaj mjekëve
Rreth 80% e mjekëve të punësuar në Maqedoni kanë përjetuar dhunë verbale ose fizike në vendin e punës. 13 mjekë të anketuar kanë përfunduar me lëndime trupore të theksuara. Ndërkohë një pjesë e madhe e tyre janë përballur me ofendime nga ana e pacientëve. Këto janë të dhënat e Odës së Mjekëve, të cilat kanë dalë nga një anketë e realizuar me mjekë, e cila është zhvilluar në shënimin e Ditës Botërore kundër dhunës ndaj punonjësve shëndetësorë. Punonjësit shëndetësorë alarmojnë që posaçërisht gratë që punojnë në institucione shëndetësore janë qendër e sulmeve dhe diskriminimit në vendin e punës.
“Gratë në Maqedoni, që ushtrojnë profesione në mjekësi, tanimë një kohë të gjatë janë objekt i dhunës në raport me vitet e shkuara, gjinia femërore gjithnjë e më shumë ka qenë nëpër shkollat e mjekësisë si dhe fakultete, por ata nuk janë nëpër pozita liderësh, në kuptimin p.sh. shefe e reparteve, dekane, rektore etj. Gratë në profesionin e mjekësisë marrin gjithmonë paga më të ulëta se burrat. Do të thotë ne jemi gjithnjë objekt i rishikimit nëse jemi mjaftueshëm kompetentë dhe profesionale si gra në krahasim me burrat. Po ashtu edhe pacientët shohin me frikë drejt nesh nëse jam un mjaft kompetente për ta kontrolluar apo do duhet të vijë një mjek më i vjetër me “mjekër” dhe ne këtë e ndjejmë”, tha Margita Trifunovska, infermiere në Klinikën e Gjinekologjisë.
“Ligji kundër dhunës dhe parandalimit të dhunës ndaj grave dhe familjes është njëri nga mekanizmat mbrojtës, ku është i definuar edhe dhuna ndaj grave në vendin e tyre të punës si dhe dhunës gjinore, po ashtu dhe ndaj dhunës online. Ju si mjek shpesh jeni të ekspozuar edhe ndaj gjuhës së urrejtjes si dhe dhunës përmes rrjeteve sociale. Po ashtu dhe ligji për mbrojtjen nga diskriminimi është mekanizëm mbrojtës të cilin mund ta shfrytëzoni për të denoncuar dhunën”, u shpreh Jovanka trencevska, ministre e Punës dhe Politikës Sociale.
Me ndryshimet në Kodin Penal dhuna verbale apo fizike ndaj mjekëve dhe punonjësve të tjerë shëndetësorë konsiderohet si vepër penale “pengim i një zyrtari në kryerjen e një vepre zyrtare”. Aktet si përdorimi i forcës, kanosje e rëndë, fyerje, ngacmim, lëndim trupor apo kanosje me armë ndaj mjekut apo punonjësve të tjerë shëndetësorë janë vepra penale, për të cilat parashihet burg nga gjashtë muaj deri në 5 vjet. /Alsat.mk
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor