Ronaldo (i vjetri) kujton luftën në Kosovë

Ronaldo Nazario de Lima kishte ardhur në Gjakovë pas luftës dhe kishte dhënë donacion për shkollën “Mustafa Bakia”

Legjenda e futbollit Ronaldo Nazario de Lima , i njohur si “Fenomeni” ka kujtuar Ditën Ndërkombëtare të Paqes me një fotografi nga Gjakova, shkruan albinfo.ch.

Ai kishte ardhur në Gjakovë pas luftës dhe kishte dhënë donacion për shkollën “Mustafa Bakia”. Ronaldo ka ndarë një fotografi në rrjete sociale me një fëmijë nga Gjakova në krah.

Futbollisti brazilian, i cili në atë kohë luante për Interin, ka qenë ndër futbollistët e parë që kishte vizituar Kosovën pas luftës, derisa këtë rrugë e kishin ndjekur edhe disa lojtarë tjerë.

Ronaldo është njëri nga futbollistët më të mirë të të gjitha kohërave, derisa është shumë i adhuruar edhe në Kosovë. “Fenomeni” ka luajtur në skuadra të mëdha, si Barcelona, Inter, Real Madrid e Milan.