Rrahmani: Më kishte munguar goli

Në pesë edicionet e fundit, nga ai 2021/2022 e tutje, Rrahmani i ka 11 gola në kampionatin italian

Amir Rrahmani realizoi një gol në fitoren 0:2 të Napolit ndaj Lazios. Pas sfidës, mbrojtësi bëri komentin e tij.

“Ne gjithmonë përgatisim këto goditje standarde, nuk kisha shënuar prej një viti dhe jam shumë i kënaqur.

Kemi lojtarë të fortë dhe mund të jemi shumë të rrezikshëm, më kishte munguar shumë goli, gjithmonë është bukur kur shënon dhe skuadra fiton.

Është bukur të mos pësosh gol, do të thotë që jemi një skuadër solide dhe duhet të kemi këtë vazhdimësi”, tha kapiteni i Kosovës, transmeton albinfo.ch.

Në pesë edicionet e fundit, nga ai 2021/2022 e tutje, Rrahmani i ka 11 gola në kampionatin italian.

Asnjë mbrojtës tjetër nuk ka shënuar kaq shumë gola në Serie A gjatë kësaj periudhë.

---