Rrëfimi i çiftit zviceran që ndodhet në Izrael

Keystone (AP Photo/Adel Hana)

Një çift zviceran ishin duke i kaluar pushimet e tyre në Tel Aviv të Izraelit kur të shtunën qyteti u sulmua me raketa nga grupi i Hamasit.

Të shtunën ata shpresonin të gjenin një fluturim për tu larguar nga qyteti.

“Tani jam e frikësuar për vdekje,” tha zviceranja Sandra Diaz Perreira (31) për Blick herët të dielën.

“Mbrëmë ishte makthi im më i madh. Na u desh të vraponim për të shpëtuar jetën tonë disa herë dhe të gjenim strehim në bunkerë,” tha Diaz Perreira. Një raketë goditi disa rrugë larg hotelit. Ajo dhe partneri i saj Marc Hügli (41) thjesht donin të dilnin jashtë, përcjell albinfo.ch.

Shumica e linjave ajrore kanë pezulluar fluturimet drejt Izraelit. Për shkak të shqetësimeve të sigurisë, zviceranët pezulluan përkohësisht trafikun ajror në Tel Aviv nga e shtuna në mbrëmje deri të hënën. Perreira dhe Hügli u përpoqën të merrnin bileta. Por “gjithçka është anuluar ose shitur”, tha gruaja berneze.

“Kemi pasur 60 sekonda nga zhurma e sirenave deri në goditjen e një rakete”, tregoi ajo tutje.

Ata nuk mund të largohen më nga hoteli. Edhe pse forcat e armatosura izraelite kryejnë sulmet e para hakmarrëse kundër Hamasit, Tel Avivi vazhdon të bombardohet nga grupi Hamas.