Rreth 100 të dyshuar për pastrim parash

Vlerësimi i rrezikut sektorial të pastrimit të parave dhe financimit të terrorizmit për kompanitë e ndërtimit është afër përfundimit

Njësiti i Inteligjencës Financiare i Kosovës duke filluar nga muaji prill deri në muajin qershor të këtij viti, ka kryer 8 inspektime, 5 në banka, përderisa 3 inspektime të tjera janë bërë në organizatat joqeveritare.

Vlerësimi i rrezikut sektorial të pastrimit të parave dhe financimit të terrorizmit për kompanitë e ndërtimit, i filluar në muajin mars 2014, është afër përfundimit.

“Përgjatë periudhës raportuese (01 janar – 30 qershor 2014) prokuroritë kanë pasur në punë 30 informata me 58 persona“, shkruan „Kosova Sot“.

Nga ky numër i informatave, prokuroritë kanë mbyllur/zgjidhur 9 informata me 18 persona, ndërsa në fund të periudhës kanë mbetur të pazgjidhura 21 informata me 40 persona”.