Rreth 2300 votues nga diaspora për zgjedhjet lokale

Komisioni Qendror i Zgjedhjeve ka njoftuar se deri më tani janë regjistruar 2 mijë e 296 votues për zgjedhjet lokale që do të mbahen më 22 tetor

Regjistrimi i votuesve jashtë Kosovës është duke vazhduar, proces që do të zgjasë deri më 23 gusht, raporton albinfo.ch.

Komisioni Qendror i Zgjedhjeve ka njoftuar se deri më tani janë regjistruar 2 mijë e 296 votues për zgjedhjet lokale që do të mbahen më 22 tetor.

“Prej datës 16 korrik kur ka filluar kjo periudhë e deri të martën, numri i aplikimeve për t’u regjistruar si votues jashtë vendit është: 2 mijë e 296. Komisioni Qendror i Zgjedhjeve inkurajon të gjithë qytetarët me të drejtë vote, që jetojnë jashtë Kosovës dhe që t’i plotësojnë kriteret ligjore përkatëse, që të shfrytëzojnë të drejtën e tyre për t’u regjistruar si votues jashtë Kosovës dhe pastaj edhe të votojnë në Zgjedhjet Lokale të 22 tetorit”, thuhet në njoftimin për media të KQZ-së.

Të gjitha informacionet lidhur me mënyrën e aplikimit dhe dokumentacioni tjetër i domosdoshëm është i publikuar në faqen e KQZ-së, në këtë link. http://www.kqz-ks.org/sq/votimi-jashte-vendit