Rriten prodhimet bimore

Agjencia e Statistikave të Kosovës (ASK) ka publikuar llogaritë ekonomike për bujqësi, për vitin 2016. Ky publikim përfshin të dhëna për prodhimet bimore, prodhimet blegtorale dhe shpenzimet në ferma, në terma monetare.

Në vitin 2016, prodhimet bimore gjithsej kanë shënuar rritje për 17.5%, krahasuar me vitin 2015. Rritja mund të shpjegohet me faktin se kultivimi i perimeve dhe bimëve foragjere ka shënuar rritje, raporton ASK.

Kurse, prodhimet blegtorale gjithsej kanë shënuar rritje për 8.4% në vitin 2016, krahasuar me vitin 2015. Rritja mund të shpjegohet me rritjen e vlerës së blegtorisë, përcjell albinfo.ch.

Prandaj, prodhimet bimore dhe blegtorale gjithsej janë rritur me 13.5% në vitin 2016, krahasuar me vitin 2015.

Ndërsa, konsumi i ndërmjetëm gjithsej ka shënuar rritje për 7.4% në vitin 2016, krahasuar me vitin 2015.