Rriten restorantet me yje Michelin në Zvicër

Udhëzuesi Michelin 2025 ka rritur numrin e restoranteve me yje Michelin në Zvicër nga 136 në 145

Nuk ka ndryshime në listën me tre yje, por ka pasur një rritje në numrin e restoranteve me dy yje, ku tre restorante zvicerane u përmirësuan, shkruan Swissinfo.ch, transmeton albinfo.ch.

Në një ceremoni në shkollën e menaxhimit të hoteleve në Lozanë, ata që ishin përgjegjës për udhëzuesin me ndikim të restoranteve mbajtën tre yjet e tyre për katër restorantet më të njohura në vend: Cheval Blanc i Peter Knogl në Bazel, Schloss Schauenstein i Andreas Caminada në Fürstenau në Graubünden, Memories i Sven Wassmer në Bad Ragaz në St Gallen dhe Hôtel de Ville në Crissier në Vaud me shefin e tij Franck Giovannini.

Udhëzuesi Michelin tani numëron 27 restorante në kategorinë me dy yje. Asnjë restorant nuk u ul në këtë kategori, por tre u promovuan: Igniv nga Andreas Caminada në Andermatt në kantonin e Uri, restoranti i Gilles Varone në Savièse në Valais dhe Ecco në Ascona në Ticino.

---