Rritet numri i rasteve të dhunës në familje

Gati 9000 njerëz janë ndjekur penalisht për shkak të dhunës në familje në vitin 2014. Bëhet fjalë për më pak raste se në vitet e mëparshme. Megjithatë, në nivel rekord u rrit numri i delikteve të rënda seksuale.

Gjithsej 15.650 raste të dhunës në familje janë regjistruar nga policia vitin e kaluar. Këto janë 0.8 për qind më pak se mesatarja për periudhën 2009-2013, njofton Zyra e Statistikave Federale (FSO). Rënie e ndjeshme është regjistruar kur bëhet fjalë për rastet e dhunës fizike (-6.3 për qind / -7.7 për qind).

Zyra e Statistikave Federale ka regjistruar vitin e kaluar 40 raste më shumë të veprës penale, më së shumëti në fushën e dhunës seksuale. Kjo paraqet një rritje prej 11 për qind, nivelin më të lartë që nga viti 2009.

Ashtu si në vitin e kaluar, janë regjistruar 23 vrasje që rezultuan nga dhuna në familje. Numri i tentimvrasjeve është ulur nga 44 në 39.

Nga gjysma e rasteve të dhunës në familje të kryera vitin e kaluar, pothuajse një e treta kanë të bëjnë me çifte të ndara. Në 12 për qind të rasteve raportohet për dhunë mes bashkëshortëve dhe fëmijëve të tyre. Tre të katërtat e totalit të 8971 viktimave të dhunës në familje ishin gra ose vajza.

Jo të gjitha viktimat telefonojnë policinë. Shifrat duhet të jenë dukshëm më të larta. Sipas një studimi të realizuar në vitin 2011, vetëm rreth një e pesta e rasteve arrijnë në polici.