Rritja e Kombëtares shqiptare

“Shqiptarët janë shumë herë më të mirë sesa disa vite më parë, andaj de Biassi është një trajneri i mirë,” thotë Blerim Xhemaili

Rritja e suksesit të shqiptarëve në futboll është e befasishme. FSHF-ja do e shijojë deri në sekondat e fundit fluturimin e shqiponjave shqiptare, shkruan “luzernerzeitung.ch”, përcjell albinfo.ch. Për krahasim, më 2013 Shqipëria ndodhej afër top 100 të rangimit të FIFA. Atëherë Shqipëria humbi dyherë në kualifikimet e botërorit ndaj Zvicrës.

Ndërkohë Shqipëria tregoi se është kombëtare me vlera pas fitoreve 1:0 ndaj Francës dhe Portugalisë, kjo edhe falë afrimit të lojtarëve të brezit të dytë në perëndim.

“Shqiptarët janë shumë herë më të mirë sesa disa vite më parë, andaj de Biassi është një trajneri i mirë,” thotë Blerim Xhemaili nga kombëtarja helvete.

“Projektit jonë ka filluar para tre vitesh dhe është falë punës në grup dhe dëshirës për të arritur,” thotë në anën tjetër Amir Abrashi që aktivizohet në Bundesligën gjermane. Në kombëtaren shqiptare aktivizohen lojtarë që janë mësuar në klubet zvicerane si Abrashi, Arlind Ajeti, Frederic Veseli, Migjen Basha, Shkëlzen Gashi dhe Taulant Xhaka. Veseli ka qenë kapiten në fitoren e kampionatit botëror me Zvicër U17, ndërsa është aktivizuar 46 herë në U21. “Përkundër gjithë kësaj, të gjithë jemi shqiptarë dhe kjo na lidh më shumë mes veti”, thotë Abrashi.

Vetëm se në kabinën e zhveshjeve nuk ka gjuhë zyrtare. Përveç shqipes, disa flasin perfekt gjermanisht, disa të tjerë italisht, ndërsa flitet mjaft mirë edhe anglishtja